Regional Thematic Report on the Status of Environment for the Central Region of Albania

Studimet tematike janë një produkt i hartuar nga Partnerët Green-AL me qëllim evidentimin e çështjeve kryesore mjedisore në 4 rajonet në të cilat zbatohet ky projekt. Ky dokument pasqyron situatën mjedisore të rajonit duke marrë në konsideratë historikun e problematikave, si edhe përditësimin e situatës gjatë viteve 2022-2023. Në këtë dokument paraqitet një informacion jo shterues për zhvillimin socio-ekonomik e mjedisor në rajonin qendror, për të nxjerrë në pah pikat e forta të këtij rajoni me qëllim promovimin e aseteve dhe potencialeve të zhvillimit, e nga ana tjetër evidentimin e problematikave kryesore mjedisore në mënyrë të tillë që të mund t’i shërbejë grupeve të interesit, me fokus kryesor OSHC-të mjedisore, të cilat në të ardhmen mund t’i adresojnë këto problematika me anë të projekteve mjedisore edhe përtej Green-AL. Ky dokument, ndër të tjera, ndërton nga praktikat hulumtuese realizuar nga projektet e zbatuara në Rajonin Qendror më qëllim kapitalizimin e punës së kryer nga OSHC-të mjedisore në këtë rajon. Për këtë qëllim, autori në pjesën e parë të dokumentit paraqet një pasqyrë të përgjithshme të këtij rajoni duke u fokusuar tek zhvillimi urban, social- ekonomik dhe ndikimin e mundshëm që ky zhvillim mund të këtë në mjedis. Ndërsa në pjesën e dytë të këtij dokumenti pasqyrohet puna e kryer e sjellë nga zbatuesit e projekteve. Të dhënat e paraqitura në këtë dokument janë marrë nga burime zyrtare të informacionit si dhe punime të vetë autorëve. Hartat e paraqitura në raport kanë qëllim ilustrues dhe janë përpunuar nga informacioni ortoimazherik, e për këtë arsye nëse do të zbatohen projekte të cilat parashikojnë ndërhyrje infrastrukturore në zonat urbane apo zonat e mbrojtura, matje e rilevime do të duhet të kryhen në terren për të përftuar sipërfaqe të sakta.